Kung kanina, sobrang saya ni Avery, pwes ngayon, para nanaman siyang nalugi.

Kakatanggap niya lang ng text ng doktor na kumpleto na ang dugong hinahanap nila, tapos makakareceive siya ng tawag galing kay Mike na hindi pala pwede ang dugo na nahanap nito..

“Okay lang. Tatawagan ko na kaagad ang ospital.”

“Okay, nagising ba kita?”

“Hindi naman. Gising talaga ako. Maraming salamat pala sa lahat ng efforts mo.” Hinawi ni Avery ang kumot niya at bumangon para bumalik sa ospital. “Oo nga pala, may nakuha daw na dugo ang blood bank. Sobra sa kalahating pint din yun, sa tingin ko sapat na yun.”

“Edi maganda pala! Okay, uuwi na ako.”

“Sige. Pupunta muna ako ulit sa ospital para tignan kung ano na ang nangyayari doon ngayon.”

“Okay. Alagaan mo ang sarili mo ah! Kailangan mong maging malakas para kay Robert! Hindi na sana muna kita tatawagan ngayon, pero hindi kasi ako mapakali.”

“Okay lang, hindi rin naman talaga ako makatulog.”

May mga sinabi pa si Avery bago niya tuluyang ibaba ang p