“???” Muntik ng maibuga ni Zoe ang ininom niyang tubig.

‘Anong pinagsasabi ng babaeng ‘to na ibalik ko sakanya ang lahat ng binigay sa akin ni Elliot! Sa akin yun! Bakit ko ibabalik sakanya?’

“Avery, alam kong desperado kang mabayaran si Elliot kaya mo ‘to ginagawa.” Halatang halata sa boses ni Zoe na nagpapanic siya. “Pero bakit ko naman ibabalik sayo ang binigay niya sa akin?! Pinag hirapan ko yun! Naiintindihan mo ba? Kinita ko yun noong inoperahan ko si Shea…”

“Pero hindi naman ikaw ang nag opera kay Shea.” Kalmadong sabat ni Avery. “Sige, kahit 300 Million nalang ang ibalik mo. Sayo na yung butal tutal nagpakahirap ka rin naman diba?!”

Sa sobrang gulat ni Zoe, nakanganga lang siya kay Avery at hindi niya alam kung paano siya sasagot.

‘Ano ‘to?! Nababaliw ka na ba, Avery?!’ Isip niya.

“Zoe, wala bang nagturo sayo na walang tinatawag na ‘free lunch’? Sarcastic na pagpapatuloy ni Avery. “Sa totoo lang, sobrang bilib ako sa lakas ng loob mo na tanggapin ang perang binigay ni E