Halos isigaw ni Ambrose ang huling salita nang buong lakas bago niya gamitin ang kaniyang internal energy. Dito na nabalot ng nakakatakot na puwersa ang buong kalangitan.

Natuwa naman dito si Forsythe. Kahit na matindi ang lakas na ipinakita ni Ambrose, masyado pa rin itong bata at hindi bihasa sa kaniyang kakayahan. Wala nang ibang kailangang gawin si Forsythe kundi gumawa ng gulo sa pagitan ni Ambrose at ng ibang mga sekta para macorner ito.

‘Sa totoo lang, masyado talagang matalino ang naging desisyon ng Kamahalan na idamay ang ibang mga sekta rito. Hinding hindi na lalaki pa ang Elysium Gate. Nakakapanghinayang lang dahil hindi namin ito magagawa nang hindi nasisira ang reputasyon ng Empress.’ Sumakit ang kaniyang dibdib nang maisip niya iyon. ‘Buwisit! Si Ambrose ang may kasalanan ng lahat ng ito. Hindi sana kami mapapasok sa ganitong sitwasyon kung hindi ka lang pumasok sa Dragon King Island para dukutin ang Young Master. Wala ka nang iba pang dapat na sisihin maliban sa iyong