Nang biglang itulak ni Oliver ang kaniyang sarili paabante gamit ang kaniyang wheelchair habang sinasabi na. “Archfiend Antigonus! Sigurado akong hindi si Ama ang nagbigay sa kanila ng impormasyon. Nasisiguro ko po ito sa inyo…”

Hindi na siya mapakali sa kaniyang sarili. Kahit na si Oliver mismo ang umatake kay Black Tortoise King bago pagbantaan ang mga kalahi niya para yumuko sa lahi ng mga fiend, sa totoo lang ay nirerespeto pa rin ni Oliver si Black Tortoise King. Sabagay, ama niya pa rin si Black Tortoise King kaya paano niya magagawang kumalma ngayong ang kaniyang ama na ang itinuturong salarin sa pagkakalat ng impormasyon sa godly region?

Dito na napatingin kay Oliver ang lahat kabilang na sina Archfiend Antigonus, Morticia at iba pang mga Fiend Martyr.

Dito na nagmamadaling nagisip si Archfiend Antigonus habang kalmadong sinasabi na, “Hindi si Black Tortoise King ang traydor? Mukhang mayroon kang nalalaman kung sino talaga ang gumawa nito kaya bakit hindi mo sabihin sa amin