Hindi naiwasang mapaisip ni Darryl kung mapagsususpetsahan siya ang nagkalat ng impormasyon noong mga sandaling iyon.

“Maaari ngang hindi. Naging maingat naman ako noong umalis ako sa kampo ng mga fiend kaya walang kahit na sino ang nakakita sa akin. Siguradong hindi ako pagsususpetsahan ni Archfiend Antigonus.” Isip niya.

Dito na biglang sinuntok ni Yooda ang pader bago ito sumigaw ng. “Wala na itong kasing sama pa! Siguradong totorturin ko ang gumawa nito sa sandaling malaman ko kung sino siya.”

Galit na galit nitong sinabi noong mga sandaling iyon.

90% ng mga fiend ang namatay sa labang iyon kaya kulang kulang 20,000 na lang sa mga ito ang natira. Kaya walang kahit na sino ang kakalma matapos dumanak ng kanilang dugo sa labang iyon.

Dito na biglang nagusap usap ang ibang mga Fiend Martyr sa kanilang mga sarili.

“Tama nga si Yooda. Dapat na nating mahanap kung sino ang nagtraydor sa atin.”

“Oo nga, simulan na nating magimbestiga.”

“Natalo tayo nang husto nang dahil sa traydor