“Malinaw ang intensyon ni Holden. Ayaw niyang magpahanap, kaya sa oras na pilitin mo siyang lumabas, hindi siya magdadalawang isip na magpakamatay. Ilang milyong dolyar ang ginastos niya para lang mabili yung bombang suot niya, at alam naman natin kung gaano kakilala ang Keicrekreth pagdating sa mga ganung teknolohiya, diba?”

Huminga ng malalim si Sabrina. “Ano ba talagang gusto niyang mangyari?”

Malayong malayo ang Holden na nakikita niya ngayon sa nakilala niya noon… Ang Holden na nakilala niya ay rasyonal, marunong kumontrol ng emosyon, at higit sa lahat, may malasakit sa lahat… Pero ngayon? Ganun na ba siya kalungkot na umabot na sa puntong pati pagpapakamatay ay hindi na siya natatakot?

Sobrang lungkot ni Sabrina para kay Holden.

“A…anong plano mo?” Tanong ni Sabrina kay Sebastian.

“Kung wala akong gagawin, hindi niya titigilan ang mga tao dun sa mansyon.” Sagot ni Sebastian.

“At dapat lang naman yun sakanila!”

“Pero sa oras na saktan niya kayo ni Aino, sisiguraduhin