Sa Sterling Group, abot-tenga ang ngiti ni Ben habang nakaupo sa upuan ni Elliot.

“Aba! Hindi ko alam na mabilis ka palang kumilos!” Alam ni Ben na good mood si Elliot at hindi ito magagalit sakanya kahit gaano kalakas niya itong asarin. “Dalawang araw lang akong nawala, pero nabingwit mo na kaagad si Avery, at ikakasal na kayo ulit?! Kung hindi pa ako tinawagan ni Chad, kailan ko pa ‘to malalaman ha?!”

Naglakad si Elliot papunta sa lamesa niya, at nagtanong, “Close ba ang mga Tierney at Goldstein?”

“Sinong Goldstein?”

“Yung nasa Mount Sierra. Pagkamatay noong matandang Goldstein, si Roger na ang pumalit sakanya.” Hindi pa rin mapakali si Elliot habang iniisip niya yung nangyari sa Mount Sierra. “Kung hindi ko pa nasulsulan yung isa sa mga staff member nila, baka abo nalang ako ngayon.”

Gulat na gulat si Ben.”Wala akong kaalam alam tungkol dito! Bakit hindi ‘to sinabi sa akin ni Chad? Ang sinabi niya lang sa akin ay magpapakasal na daw kayo ulit ni Avery! Hmm hindi ko lang sig