Parehong nagulat sina Avery at Mike sa malakas na kalabog. Pagkalingon nila, nakita nila si Elliot - galit na galit na para bang gusto ng manuntok anumang oras…

“Hello, ex-husband ni Avery!” Tumalon si Mike mula sa lamesa at naglakad papalapit kay Elliot para batiin ito.

Samantalang si Avery naman ay parang mahihimatay sa kinatatayuan niya. Walang ka ide-ideya si Mike kung anong klaseng tao si Elliot. Kung hindi niya ito aawatin, hindi niya sigurado kung anong pwedeng mangyari kaya nagmamadali siyang naglakad para hilain si Mike.

Pero nang dahil sa ginawa ni Avery, lalo lang nagalit si Elliot. ‘Ano bang relasyon ng dalawnag to? Bakit ba sobrang protective ni Avery sa mukhang baliw na lalaking ‘to?’

“Bakit ka nandito?” Tumayo si Avery sa harapan ni Elliot at tinignan ito ng diretso sa mga mata. “May dahilan ba para magkita tayo?”

Napakuyumos ng matindi si Elliot sa papel na nasa kamay niya, at sa sobrang lakas, halos magpunit-punit na ito. Naglakad siya palapit kay Avery na ha