Naisip niyang mali lang ang narinig niya. Ang sabi niya ay kukuhanin niya lahat ng nawala sa kanya; hindi kaya ang Sterling group ang tinutukoy niya?

“Kung iyon ang kaso, Elliot, linawin natin ang mga bagay tungkol satin ngayong gabi!” Hinatak niya uli ang braso nito. “Kailangan kitang makausap ng tayo lang dahil pribadong usapan ito!”

At dahil don, hinatak niya ito papalayo sa maraming tao.

Huminto ang dalawa sa likod ng bakuran at tinignan siya ni Avery ng may namumugtong mga mata, bago magsimulang magpaliwanag, “Sinabi ko kay Henry na susubukan kong ilipat ang mga shares mo kay Adrian, dahil nakita ko si Shea. Ang kidney ni Shea ay malapit ng bumigay at kailangan niya ng transplant. Tanging kidney lamang ni Adrian ang nagmatch ngunit itinago nila si Adrian at hindi ko siya mahanap kahit ano ang gawin ko. Kritikal ang kondisyon ni Shea ng mga oras na iyun at kaya lang ako nakipag ayos para maligtas siya. Hindi ko sinabi sayo ang tungkol dito dahil baka kung ano ang gawin mo at ma