Hindi mapakali si Yusof sa paglapit ni Master Skry sa kaniya. “Ano ang ginagawa nito? Sinusubukan niya ba talaga ang aking lakas? Siguradong malaki na ang problema ko kung ganoon nga ang ginagawa niya.”

Pangkaraniwang hindi siya natatakot sa isang katulad ni Master Skry. Pero masyado siyang maraming nainom kaya hindi niya na magamit ng maayos ang kaniyang mga technique sa paggamit ng lason. Hinding hindi siya mananalo sa sandaling magsagupaan silang dalawa.

Schling!

Nakarating na si Master Skry sa harapan ni Yusof habang nasa gitna pa ito ng pagiisip kung paano siya makakatakas. Dito na niya nilabas ang mahaba niyang espada bago siya malakas na sumigaw ng, “Itigil mo na ang kalokohan mo dahil dadalhin na kita sa impyerno, Yusof!”

Isang nanlalamig na enerhiya ang lumabas mula sa espada papunta sa dibdib ni Yusof.

“Ang lakas ng loob mo ah!”

“Tigil…”

Napasigaw naman sa sobrang gulat si Christoper na nahulog sa sahig at ang ibang mga bantay. Gusto nilang pigilan ang pagatake pero hi