Habang nagsasalita, kumislap ang mga tusong mata ni Zacho.

Whew…

Hindi naman naiwasang mapabuntong hininga ng nagugulat na si Sam, “Sinasabi niyo po ba na… papatayin natin siya mamaya, Master?”

Kasama si Sam sa pansamantalang alyansa na binuo ng mga sekta kung saan nagawang pabagsakin ni Adam ang lahat para makuha ang posisyon ng alliance leader.

Kaya alam ni Sam kung gaano kalakas si Adam. Ito ang dahilan kung bakit hindi siya mapakali nang makita niya ang kaniyang Master na gumawa ng hakbang para patayin ang lalaking ito. Sigurado siya na isa sa dalawang ito ang masasaktan nang malubha sa pinaplanong ito ni Zacho.

Maaari ngang malakas si Zacho pero hindi pa ring magiging madali para sa kaniya na kunin ang buhay ni Adam.

Napasimangot naman si Zacho habang nakatingin siya sa mukha ni Sam, dito na niya naiinis na sinabing, “Mangmang. Nasa tama ang kondisyon ng pangangatawan ni Adam kaya siguradong itataya nito ang kaniyang buhay sa sandaling umatake tayo nang direkta sa kaniya. Ki