Kailan pa inatrasan ng isang Hexa Swordmaiden ang mga banta na kaniyang makakaharap?

“Ngayong hindi ka nagpakita ng awa sa iyong kapwa, huwag na huwag mo kaming masisisi sa gagawin namin sa iyo.”

Hindi na nagsayang pa ng laway si Martin. Malalim niyang tiningnan si Lumi bago siya tumawag nang malakas dito, “Huwag na huwag kayong magdadalawang isip sa isang ito mga kasama! Magsamasama tayong pabagsakin ang makamandag na babaeng ito. Mamatay ka na!”

Habang naririnig ang mga salitang iyon sa ere, agad na sumabog ang internal energy ng mga disipulo mula sa iba’t ibang mga sekta. Hinawakan nila nang maigi ang kanikanilang mga sandata habang sumusugod papunta sa direksyon ni Lumi.

Agad na namula ang magandang itsura ni Lumi habang sumisigaw ito ng, “Mga hipokrito kayong lahat! Sa kasamaang palad ay hindi pa rin magiging madali para sa inyo ang pagkuha sa buhay ko.”

Buzz!

Habang nasa gitna ng kaniyang pagkagulat at galit, sumabog ang internal energy sa katawan ni Lumi habang bumabalot