Hindi na nagaksaya pa ng oras si Morticia habang nagpapatuloy sa pagkautal si Yarl. Agad siyang tumalon at lumapag na parang isang kidlat sa harapan nito. At pagkatapos ay agad niyang itinaas ang kaniyang kamay para sampalin sa mukha si Yarl.

Slap!

Ginamit niya ang buo niyang lakas at bilis sa sampal na iyon kaya hindi na ito nailagan pa ni Yarl. Agad itong sumigaw bago lumipad nang malayo ang kaniyang katawan at tuluyang bumagsak sa pampang.

“Ugh…”

Nang mahirapan nang tumayo si Yarl, agad na namula ang kaniyang mukha habang umaapaw ang dugo sa kaniyang bibig.

‘Ito na ang katapusan ng lahat’

Natakot dito nang husto si Yarl. Alam niya na hinding hindi siya palalampasin ni Morticia matapos niyang tangkaing kunin ang fiend nitong kaluluwa. Naramdaman niya na tuluyan nang nawala sa katawan ni Morticia ang lasong ibinigay dito ng mga maharlika sa South Cloud World kaya agad na itong nakabalik sa dati nitong lakas.

Napuno ng pagkagulat ang mga mata ng mga disipulo at elder ng pamilya