Kung ganoon ay ipinatapon pala ng Empress si Darryl sa kulungan hindi lang para pagbuntunan ng galit kundi para siguruhin ang kinabukasan ng anak nitong si Prince Auten.

Pero nagawa nang ideklara ni Nine Heaven Emperor si Prince Aurin bilang kasunod niya sa trono. Kaya paano ito magagawang baguhin ni Empress Heidi.

Napabuntong hininga naman si Master Magaera habang sinasabi nito kay Empress Heidi ang kaniyang mga naiisip.

“Magaera!”

Napakagat sa kaniyang labi si Empress Heidi bago nito mahinang sabihin na, “Alam ko ang tungkol sa bagay na ito kaya kakailanganin ko ang iyong tulong.”

“Ako?” Napatigil dito ang nagtatakang si Magaera. “Ano naman po ang maitutulong ko sa inyo?”

Bahagya namang napangiti si Empress Heidi habang sinasabi na, “Ikaw ang isa sa pinakamalalakas na tao sa Godly Region na siya ring naging kanang kamay ng namayapang Emperor. Kaya sigurado ako na walang sinuman ang kukuwestiyon sa iyong desisyon sa sandaling suportahan mo si Auten.”

Dito na tumingala si Empres