Samantala, sa kabilang korte ng Imperial Sky Palace.

Hindi naging kasing ganda ng korteng ito ang Jade Fairyland pero nagawa pa rin nitong magpakita ng sarili nitong ganda at pagkaelegante.

Umupo si Empress Heidi sa isang pavilion sa korte habang malungkot na nakatingin sa paligid.

Wala na si Nine Heaven Emperor kaya ano pa ang saysay ng magandang tanawin na ito kung wala nang mageenjoy pa nito?

“Kamahalan!”

Dito na dahan dahang lumapit ang isang imahe. Isa itong lalaki na nakasuot ng gintong armor na nagpakita sa kaniyang awtoridad. Ito ay walang iba kundi si master Magaera.

Agad na ikinaway ni Empress Heidi ang kaniyang kamay para paalisin ang tagapaglingkod sa kaniyang tabi habang papalapit sa kaniya si Master Magaera.

Yumuko naman nang malalim si Master Magaera habang sinasabi na, “Patawarin niyo po ang aking paggambala sa inyong oras, Kamahalan.” Hindi niya naiwasang tingnan mula ulo hanggang paa si Empress Heidi habang nagsasalita.

Dahil sa pagkamatay ni Nine Heaven Emper