“Maghahanap na po ako ng mga bata pagkatapos ko pong makipagusap sa inyo, Sect Master.”

“Sige!” Tango ni Skylar habang gumagaan ang kaniyang dibdib.

Nakatalikod ito kay Kendall kaya hindi niya nakita ang ekpresyon nito sa mukha.

Agad na umalis si Kendall pagkatapos nitong paglingkuran si Skylar.

Isang nakakatakot na ngiti naman ang nagpakita sa mukha ni Kendall habang papalabas ng Prayer Tower.

Maghahanap ito ng mga bata pero bibigyan niya muna ito ng isang napakaliit na bagay bago dalhin kay Skylar. Dito na nagdesisyon si Kendall na magrebelde sa kaniyang master.

Nakatali siya kay Skylar matapos niyang sumailalim sa fiend blood contract kaya higit pa sa kamatayan ni Skylar ang kakailanganin para masira ito. Pero alam niya na ang natatanging paraan para makawala sa kaniyang master ay ang tuluyang pagkawala ng kontrol nito. At ngayong sinasanay nito ang Devil Nightmare, ito na ang perpektong oportunidad para kay Kendall na gawin iyon.

Pagkatapos ng kalahating oras, nakarating na