Napakahusay.

Hindi na mapigilan pa ni Kendall ang kaniyang pagkasabik. Pinili niyang master si Skylar para makilala ang kaniyang pangalan sa Nine Mainlands kaya natural lang na matuwa siya nang husto noong malaman niya ang pagsisimula ni Skylar sa pagsakop sa buong Nine Mainlands.

Hindi pa rin niya siyempre nakakalimutan ang mas importante niyang misyon—at ito ang pagpatay kay Darryl Darby at sa mga miyembro ng pamilya Carter.

Habang iniisip ang bagay na iyon, hindi na naitago pa ni Kendall ang desperasyon na kaniyang nararamdaman. Dito na niya seryosong tinanong si Skylar ng, “Mayroon po akong pabor na gustong hingin sa inyo, Sect Master.”

Maganda ngayon ang mood ni Skylar kaya nakangiti itong tumango habang sinasabi na, “Sabihin mo sa akin kung ano iyon.”

Napakagat naman sa kaniyang labi si Kendall habang sinasabi na, “Nalipon ko na po ang mga natitirang miyembro ng Five Poison Sect. Kasalukuyan pong nasa 10,000 ang bilang ng mga ito.

“Ngayong sinimulan niyo na po ang pagpapaba