Chapter 61

After her CT-Scan test, the doctor immediately read her test-result. ‘Clear’ o walang nakitang problema sa ulo niya. Katulad ng sabi ng doktor na tumingin sa kanya sa isla, ang pagkakabagok ng kanyang ulo ang dahilan kung bakit wala siyang maalala. Mababalik din ang mga alaala niya at makakatulong kung kasama niya ang mga taong bahagi ng buhay niya. 

Hindi humiwalay sa kanya si Summer kahit kumakain na sila sa isa mga mamahaling restaurant sa siyudad. Nakaupo ito sa kandungan niya at mahigpit pa rin ang yakap sa kanya. Hinahalik-halikan niya ang buhok ng bata at kung hindi lang nakatingin si Gideon ay malamang umiyak na rin siya. Miss na miss niya na si Summer at gusto niya itong pugpugin ng halik.