Chapter 58 (Part 2)

Nilingon niya si Alejandro matapos mapanood sa telibisyon ang balitang binuksan muli ang kaso sa over-pricing na mga gusaling ipinatayo nito noong mayor pa lamang ang senador. Putok na putok sa media dahil malaking eskandalo iyon para sa kandidatong tumatakbo bilang pangulo ng bansa.

Nakikipagharutan ang asawa niya kay Tori habang pinapakain nito ng solid food ang anak na nakaupo sa baby chair. Tumaas ang makapal at itim nitong kilay nang saglit siyang balingan ng sulyap.

“Why?”

Itinuro niya ang telibisyon. “May kinalaman ka ba riyan?”

“I funded Torillo’s son.”

Napanguso siya sa tipid nitong sagot kaya pinatay niya na ang telibisyon para lapitan ang mag-ama niya.

“Tawag pa rin ng tawag si Mommy. Hindi ko na lang sinasagot.”

“Good. Pagkatapos ng ginawa niya, hindi ako papayag na makalapit pa siya sa ‘yo.”

Napangiti siya bago naglalambing na niyakap ang baywang ni Alejandr