Chapter 49 (Part 2)

“Lyzza!” May humila sa kanyang braso kasabay ng malakas ng pagbusina ng sasakyan. Ang businang iyon ay inalog ang isipan niya na ikinabalik niya sa reyalidad. Nakita niya ang sarili na nasa tabi ng kalsada habang may lalaking sakay ng kotse ang matalim ang tingin sa kanya. 

“Hoy, kung magpapakamatay ka. Huwag kang mangdamay!” galit na sigaw niyon bago pinausad ang sasakyan paalis. 

“Ayos ka lang?” tanong ng boses na kanina pa niya naririnig. 

Nalingunan niya si David na nag-aalala habang nakatingin sa kanya. Sinuri siya nito mula ulo hanggang paa para tingnan kung may galos ba siya o kahit ano na kailangan ng atensyong medikal. Nang makita nitong wala naman siyang tinamong pinsala ay muli nitong ibinalik ang paningin sa mukha niya.&