Ang babaeng minahal niya ng sobra ay sobrang tina-trato ang mga tira-tira mula sa maliit na restaurant na parang mamahaling pagkain... 'Di ba tinatapon na dapat ang mga 'yon? Sumakit ang puso ni Alex at ang pinaka-nasaktan siya ay nang makita ang ekspresyon ni Jane habang nakatingin kay Noah. Ang mga mata niya ay puno ng kuntento, kasiyahan, at walang hanggang pagmamahal sa lalaking 'yon.

'Ang babaeng 'to! Nawalay lang siya sa akin ng apat na buwan! Apat na buwan lang, at nahulog na siya sa iba?' isip niya. Ilang sandali, desperadong gusto niyang tumakbo sa kanila at hiwain sa kalahati ang katawan ng lalaking 'yon gamit ang espada, pero nakayanan niyang pigilan ang kanyang sarili, habang ang mga salita nina Sebastian at Sabrina ay nanatiling nakatatak sa utak niya. Kailangan niyang maghintay ng magandang pagkakataon. Pero, maliban sa magandang pagkakataon, hindi alam ni Alex kung papalagpasin ba niya ang gabing 'to. Pipigilan pa rin ba niya ang sarili kung susundan niya ang dalawa sa