Tumayo si Sabrina at mukhang pagod itong tumingin kay Sebastian. "Alam kong naging abala ka nitong mga nakaraang araw. Hindi ka na nagkaroon ng oras para intindihin pa ang ibang bagay dahil sa kondisyon ni Aunt Grace, pero...hindi pa ba ito yung oras pag-usapan ang kontrata?"

Napalunok si Sabrina habang nakatingin kay Sebastian.

Nagtrabaho siya ng buong araw, kaya medyo pagod siya. Inalis na rin siya ni Kenton sa club na yun at hindi pa rin siya nakakausad sa pagkabigla niya sa buong insidente.

Nagsimula siyang mag-alala nung kumalma na siya sa galit niya kay Kenton kanina. Kahit na tumulong si Nigel, nakaratay pa rin sa ospital ang lalaki. Pero, hindi kayang bayaran ni Sabrina ang bill sa ospital. Ang pwede niya lang pagkunan ng pera ay si Sebastian at ang kontrata nila.

Sobrang lamig ng tingin ni Sebastian kay Sabrina. Sobrang sama ng mood niya ngayon.

Tatlong araw ng walang malay ang nanay niya at ang lagnat nito ay hindi rin talaga bumababa. Malaki ang tsansa na hindi na siya