“Bayani ng maraming tao ang tatay ko sa buong buhay niya, at siya rin ang bayani ko... Nagulat ako dahil siya ang pinakamalakas na taong nakilala ko, pero ang totoo… siya ay isa sa mga pinaka-mahina. Iyon ang unang beses na nakita ko siyang umiyak at umasta na parang baliw noong gabing iyon... Sa sandaling iyon, nagsimula akong mag-dalawang isip. Ano nga ba ang naranasan ng tatay ko para mabaliw siya sa sobrang takot? Anong nangyari noong pledge of the holy water? Ito ang dahilan kung bakit kailangan kong maging agresibo sa pag-imbestiga tungkol sa pledge! Hinuhugot ko ang lakas ko sa takot na mabigo ako sa aking misyon!” dagdag ni Christopher habang namumula na ang mga mata niya.

“...Sinasabi mo na ayon sa tatay mo… hindi namatay ang mga hindi bumalik mula sa pledge? Sinasabi mo bang dinala sila sa ibang lugar?" natatarantang sumagot si Gerald.

Ang insidente ay katulad ng pagkawala ni Mila. Ang mga biktima ay nakatanggap rin ng parehong bagay, ang token ng holy water, bago sila tu