”Ikaw…”

Namula ang mukha ni Vincent at wala siyang nasabi kaagad para sumalungat. Kaagad na umalab ang puso niya sa galit.

‘Hay*p, anong lakas ng loob ng walang kwentang nilalang na ito para sumagot sa akin?’

Hindi siya binigyang pansin ni Darryl, inabot nito ang garapon ng medisina kay Zacho habang nakangiti. “Sect Master! Sapat na ito para pagalingin ang iyong asawa.”

Tumango si Zacho, lumingon siya para utusan ang tagasunod na nasa kaniyang tabi. “Bilis, ipainom ito kaagad sa mahal ko.”

“Masusunod, Sect Master!”

Sumigaw ang tagasunod nang kunin niya ang garapon at nagtungo sa bakuran.

“Sandali.”

Biglang tumayo si Vincent habang seryoso ang ekspersyon sa kaniyang mukha at kinausap niya si Zacho.

“Masyado kang mapagkatiwala sa mga tao, Sect Master. Paano mo nalamang ito ang pangontra dahil lang sa pakikinig sa kaniya?”

Nang magsalita siya, tinitigan ni Vincent si Darryl, hindi niya maitago ang pagkamuhi sa kaniyang pagtitig.

“Sa tingin ko’y sinubukan ka niyang utuin gamit a