Kasabay nito ang pagsugod ng tatlo pang magkakapatid na Scope gamit ang kanikanilang mga lakas.

“Buwisit, mukhang mahusay nga ang isang ito!”

“Hayaan mo akong lumaban sa kaniya.”

“Hindi mo ito kaya. Hayaan mong ako na ang gumawa nito.”

Habang nasa gitna ng kanilang mga sigawan, gumalaw na parang kidlat ang apat na magkakapatid para mapaligiran ang nagiisang si Yarl.

“Oh, isang group attack?”

Nagpakita ng pagkaarogante si Yarl nang makita niya ang pagpaligid sa kaniya ng apat na magkakapatid. “Sige, ngayong gusto niyo na talagang mamatay. Pagbibigyan ko kayo sa gusto ninyo.”

Buzz!

Isang malakas na aura ang lumabas mula sa katawan ni Yarl habang naririnig ang kanyiang mga sinabi sa ere. Dito na biglang tumigas ang ere sa paligid pagkatapos ng isang iglap.

Masyado talagang nakakatakot ang aura ng isang cultivator na nasa Heaven Ascension Level.

Pero nanatili pa ring kalmado ang apat na magkakapatid. At sa halip ay mas lalo pang tumindi pananabik na nararamdaman ng mga ito habang