Naglakad si Olive papunta sa harapan bago nito nakangiting sabihin kay Yee na. “Nakikita ko na mahal na mahal mo ang iyong anak. Kahit na gaano pa kahirap ang mga bagay bagay, pakiusap, huwag mo siyang iiwanan. May dala ako ngayon na ilang mga inner core ng mahiwagang mga halimaw na maaari mong ibenta para magkapera. Sa pamamagitan nito ay magagawa mo nang maipalibing ang iyong asawa. Gamitin mo ang natira sa perang makukuha mo para mabiyan ng magandang buhay ang iyong anak.

Dito na ipinasa ni Olive ang ilang mga inner core ng mahiwagang mga halimaw kay Yee na siyang binigay sa kaniya ni Khloris bilang pabuya matapos niyang tumulong dito noon.

At pagkatapos ay agad na tumalikod si Olive para sumugod pabalik sa Sword Sect.

Naintindihan na rin ni Olive na hindi talaga ginusto ni Khloris na paalisin siya. Ginawa niya ito para maprotektahan ang kaniyang disipulo.

……

Samantala, sa water dungeon ng Sword Sect…

Masyadong naging madilim at basa ang kapaligiran ng water dungeon habang mak