Kahit na isang Deputy Sect Master lang si Khloris, nagawa pa rin nitong humawak ng mataas na katayuan at reputasyon sa buong Sword Sect kung ikukumpara kay Jedidiah. At higit sa lahat ay nagawa nang iligtas ni Khloris nang isang beses si Jedidiah.

Alam ng mga cultivator sa Great East na hindi magkasundo ang Sword Sect at ang Elixir Sect.

Walong taon na ang nakalilipas mula noong umalis si Jedidiah para asikasuhin ang isang bagay. Habang pabalik ay agad siyang tinambangan ng Elixir Sect, dito na siya nasugatan nang malubha ng mismong Sect Master ng Elixir Sect na si Andy. Kinailangan ni Jedidiah na lumabas nang magisa kaya sa huli ay napaligiran siya ng mga disipulo ng Elixir Sect. Punong puno siya ng desperasyon noong mga sandaling iyon.

Nang makarating ang balitang iyon sa Sword Sect, agad na nagdesisyon si Khloris na pamunuan ang libolibong mga elite na disipulo para iligtas ang kanilang Sect Master. Tumagal ng isang oras ang laban sa pagitan ng hukbo ni Khloris at ni Andy. Agad n