Agad namang nakahinga nang maluwag ang lahat sa kanilang narinig kabilang na sina Khloris, Jedidiah at ang mga elder ng Sword Sect.

Inakala nilang magkakagulo nanaman sa Nine Mainland pagkatapos magdeklara ng digmaan ni Lord Kenny Bred. Pero ngayong patay na ito, agad nang nawala ang nakaambang panganib sa Nine Mainlands kaya hindi na nila kailangan pang alalahanin ang tensyong kumalat sa Great East.

Dito na nagpakita ng ngiti sa arogante niyang mukha si Khloris habang binabati si Olive. “Oh, magaling! Mahusay ang ginawa mo Olive. Sigurado ako na naging mahaba ang paglalakbay mo papunta at pabalik dito kaya hahayaan na muna kitang magpahinga.”

Mainit niyang tiningnan si Olive habang nagsasalita. Iniwasan ng halos lahat ng taga Sword Sect si Olive nang dahil sa mga markang makikita sa mukha nito maliban na lang kay Khloris na pumabor dito bilang kaniyang disipulo.

“Sige po!” Tango ni Olive bago uto tumayo. Pero sa halip na maglakad palabas ng main hall, agad siyang napakurap na par