Sa isang kisapmata ay nasa harap ni Grunt si Master Magaera.Walang kahit kaunting ekspresyon sa mukha nito, walang awa siyang nagsalita. “Nagsinungaling ka sa Kamahalan. Isa kang kahihiyan sa buong Godly Region. Mapunta ka sa impyerno!”

Sumabog ang nakakatakot na awra mula sa katawan ni Master Magaera nang matapos siyang magsalita. Kaagad na bumaba ang temperature sa buong palasyo. Nataranta ang nakakatakot at malakas na awra.

Biglang tinaas ni Master Magaera ang kanang kamay niya at sinugod si Grunt.

Ganito na lamang ba siyang mamamatay? Naging sobrang putla ng mukha ni Grunt nang maramdaman niya ang lakas ni Master Magaera at umusbong ang desperasyon sa kaniyang loob.

‘Hindi ako maaaring mamatay.’ Iyon lamang ang tanging naisip ni Grunt. Hindi siya maaaring mamatay dito!

Umusbong mula sa kaibuturan ng kaniyang puso ang malakas na kagustuhan niyang mabuhay. Nagningning ang kaniyang mga mata at inilabas niya ang lahat ng divine power na nakatago sa kaniyang katawan. Itinaas niya a