Nakaramdam si Oliver ng hindi mapapantayang tuwa sa kaniyang puso nang makalayo siya at ang kaniyang mga tauhan.

Nagtagumpay sila sa kanilang misyon.

Inakala nito na magreresulta sa kaniyang pagkamatay ang pagkahuli sa kanila ng Fiend Martyr na iyon pero nagawa pa rin nilang makatakas dito. Siguradong ipagmamalaki siya ng kaniyang ama nang husto sa sandaling bumalik ito sa bago nilang teritoryo.

Samantala, ilang sandali matapos umalis ni Oliver kasama ng kaniyang mga tauhan, bumalik ang heneral na ipinadala ni Yooda kasama ang ilang daang mga mandirigmang fiend.

“Kagalang galang na Fiend Martyr.”

Dito na nagmamadaling tumakbo ang fiend papunta kay Yooda habang ipinapakita ang kumplikadong itsura ng kaniyang mukha. “Naghanap po kami sa canyon pero wala po kaming nakita na kahit sinong demonyo. At sa halip ay nakakita po ako ng maraming mga patay na sundalo ng Godly Region sa isang kalapit na kuweba nito.”

Dito na tumigil sa pagsasalita ang heneral ng mga fiend. Mukhang malalim ang