Woah!

Umingay ang lahat sa sobrang pagkasabik pero wala nang kahit na sino ang tumutol pa rito dahil maituturing nang final ang anumang desisyon na gagawin ni Grandma Lyndon.

Sabagay, paboritong paborito nito si William kaya sapat na ang opinyon nito para makagawa siya ng isang desisyon.

Sa tulong ng financial director ng kanilang pamilya, nasasabik na tinransfer ni Wentworth ang 400 million na pera ng pamilya Lyndon sa kaniyang account.

***

Sa Grandioso residential community ng Donghai City.

Makikita ang ilang mga kotse ng pulisya na nakaparada sa entrance papasok sa residential community habang dose dosenang mga pulis ang mabilis na pumaligid sa bahay ni Ashton!

Isa itong single story na bahay, at ngayon ay napaligiran na ito ng mga pulis.

Hindi inaasahan ng kahit na sino na ang babaeng pulis na nasa harapan ay ang kanilang team leader. Hindi naitago maging ng suot nitong uniporme ang kabighabighaning korte ng kaniyang katawan.

“Ano na po ang susunod nating gagawin, M