Habang iniisip ang tungkol sa bagay na iyon, ginawa ni Fang Mao ang lahat para ikalma ang kaniyang sarili at dahan dahang sabihin kay Sara na, “Mayroon na akong plano, aking disipulo. Sundin mo lang ang mga sasabihin ko mamaya naiintindihan mo?”

Napakurap na lang si Sara nang marinig niya iyon. Agad siyang nagtanong ng, “Master, sabihin mo na po sa akin kung ano ang pinaplano ninyo, dali.”

Inakala ni Sara na alam ng kaniyang master ang lahat ng bagay, at magagawa rin nito ang lahat ng kaniyang pinaplano.

Hay!

Huminga nang malalim si Fang Mao habang nakatingin sa sundalong nakabantay sa pinto. Hininaan niya ang kaniyang boses at sinabing, “Hahanap ako ng paraan para kunin ang atensyon ng bantay na iyon na magbibigay sa iyo ng pagkakataong umalis. Tandaan mo, huwag na huwag kang titigil sa pagtakbo, huwag na huwag kang lilingon pabalik sa akin, naiintindihan mo?”

Nagtunog frustrated si Fang Mao nang sabihin niya iyon. Hindi na siya makaisip pa ng ibang paraan para makontrol ang sitw