Napaatras din si Zhang Jue nang makita niya si Eira, pero natutuwa pa rin siyang nasurpresa rito.

Hindi niya napansin kanina si Eira dahil nakatuon ang kaniyang pansin sa hawak niyang fishing rod. Hindi niya inasahan na makikita niya rito ang kaniyang apprentice.

“Master!” Mabilis na naglakad paabante si Eira, mukhang natutuwa ang tono nito sa pagsasalita habang sinasabi na, “Bakit ka po nangingisda rito? Masyado na pong naging magulo ang sitwasyon dahil sa nangyayaring digmaan sa pagitan ng dalawang kontinente. Hindi po ba kayo natatakot na mapasok sa isang malaking gulo?”

Tumawa naman si Zhang Jue at direktang sinabi na, “Kaya naman nilang maglaban habang nangingisda ako rito. Wala naman akong pakialam sa kanilang dalawa kaya bakit ko kailangang matakot?”

“Pero—"

Napakagaat na lang sa kaniyang labi si Eira. Naguluhan siya sa ginawa ng kaniyang master. “Nagsisilbi na ngayon sa North Moana ang aking kapatid. Pero kung magpupumilit ka pa rin pong mangisda rito at galitin ang Kam