Pasimpleng napailing ang natatawang si Darryl nang makita niya ang tumitingkayad na si Queenie para mapanood ang laban.

Malaki na nga talaga ang babaeng ito, pero ganoon pa rin ang kilos niya—mahilig siyang pumunta sa mga lugar na magbibigay saya sa kaniya.

Sa mga sandaling iyon ay mas naging bayolente pa ang nagwawalang kylin matapos tanggapin ang pagatake ng mga nakapaligid na cultivator dito. Nagliyab ang buo nitong katawan at naglabas ng apoy na may 10 metrong taas. Maging ang kalangitan sa ibabaw ng Sky Fountain Sect ay nagliyab sa tindi ng init ng nilalabas nitong aura. Siguradong hindi makakahinga ang sinumang pumasok sa area na ito.

Roar! Roar!

Walang tigil nilang narinig ang galit na mga angil ng halimaw habang tuluyan nang nawawala sa sarili ang nagwawalang kylin. Mukha ring dumoble pa ang tanglay nitong lakas. Kahit na nagawa itong mapaligiran ng cultivator ng iba’t ibang mga sekta, hindi pa rin nila ito magawang paamuhin o patayin.

Kalahating oras na ang nakalipas per