Isa itong kahihiyan!

At higit sa lahat, isa siyang puro at malinis na babae! Hindi pa niya nagagawang lumapit nang ganito sa ibang lalaki! Kahit na bata si Ambrose, isa pa rin siyang lalaki!

Mas tumindi nang tumindi ang galit ni Ophelia habang mas tumatagal ang pagiisip na kaniyang ginagawa sa bagay na ito. Dito na siya nagpatuloy sa pagsigaw ng, “Tama na! Tumigil ka na!”

Agad namang nainis si Ambrose sa ginagawang pagsigaw ni Ophelia. Dito na siya bastos na sumigaw ng, “Bakit ka ba sumisigaw? Gusto ko lang namang makuha ang Seven Exquisite Elixir. Hindi kita gusto!”

“Ikaw—” Dito na bayolenteng namula ang magandang mukha ni Ophelia. Parang sasabog na siya sa tindi ng galit na kaniyang nararamdaman sa mga sandaling ito!

Hindi niya inasahang magsasalita ang isang bata na kagaya ni Ambrose nang ganito! Gumamit ito ng isang makalumang tono na para bang isa na siyang binata!

Ang bagay na gumalit kay Ophelia ay ang pagkilala sa kaniya bilang isang diyosa sa mundo ng mga cultivator. May