Tiningnan ng lahat si Darryl, tumingin sila na parang nakatingin sa isang demonyo!

“Ano ang ginagawa mo!? Security! Tumawag ka ng security, itapon niyo sa labas ang tatlong ito!” Mahahalatang natakot ang nurse dito. Pero kung titingnan, nakasuot lang si Darryl ng mumurahing damit kaya paano niya magagawang takutin ang lahat?

“Oo nga, ano bang problema mo para sumigaw ng ganiyan sa isang ospital?”

“Tama nang mahirap lang kayo, pero nagawa mo pa ring utusan ang ospital na gamutin ang tatay mo nang libre?”

Hindi na nakapagpigil pa ang ilan sa mga doctor at agad na nagsilapit para magaslita.

Pagkatapos magsalita ng mga ito, higit sa isang dosenang mababagsik na mga security guard ang lumapit sa kaniya. Kahit na nakasuot ng security uniforms ang mga ito, makikita pa rin nang malinaw ang maskulado nilang mga katawan. Nagkaroon din sila ng mabagsik at pumapatay na ekspresyon sa kanilang mga mukha at sapat na ang isang tingin para masabi na dating mga gangster ang mga ito.

Nang makita an