Masaya din si James dahil si Thea ay meron nang third-rank Internal Energy. Ngayon, mapapanatag na siya at tumigil na sa pag-aalala na baka mapahamak ito.

Sa halip na sagutin si Thea, nilingon niya ang kuweba at tinitigan ang bukana nito.

Naunawaan kaagad ito ni Thea at tahimik lang na tumayo ng hindi na nagtanong pa.

“Haa…” Napabuntong hininga na lang si James.

Nung nagpakita ang lalaking pinaghihinalaan na lolo niya, tuwang tuwa siya at nababagabag.

Tuwang tuwa siya dahil buhay pa ang lolo niya. Sa kabaliktaran, nag-aalala siya na baka ang lolo niya, na gaya ng paglalarawan nila Tobias at Maxine sa kanya, ay isang masama at walang kapatawaran na demonyo.

Ang hiling ni James ay ang mahanap niya ang kanyang lolo at malaman ang katotohanan mula sa kanya. Gusto niyang marinig mula dito mismo na hindi siya kagaya ng sinasabi nila.

Subalit, nahulog sa bangin ang kanyang lolo pagkatapos nilang magkita. Kahit na nakita niya itong nahulog, walang lakas si James para pigilan ito.