Sa halip na masira, nalanta ang malaking puno nang napakabilis at naging isang patay na halaman nang wala pang isang segundo.

“Kung kaya kong kunin ang buhay nito, kaya ko rin sigurong buhayin ito,” bulong ni James sa loob niya.

Gayunpaman, masyado pang kaunti ang nalalaman niya tungkol sa Reincarnation Art, lalo na sa Curse Inscription. Kahit na gusto niyang buhayin ang nalantang punong ito, lagpas ito sa kakayahan niya. Gayunpaman, pakiramdam niya ay posible ang lahat basta't pagsanayin niya ang Curse Magic sa pinakamataas na potensyal nito. Sakop ng sumpa ang lahat. Magiging posible ang lahat basta't ma-cultivate niya ito nang kumpleto.

“Masyadong mababa ang cultivation rank ko. Kailangan ko munang nakarating sa Divine Rank para maunawaan ko ang malalakas na signature Supernatural Powers na ito,” sabi niya sa sarili niya.

Napakarami ng Supernatural Power pati mga kayamanang hawak niya, ang Infinity Stele, ang Five Elements of Genesis, Elemental Inversion, ang swordsmanship n