Naguluhan si Daley.

Ipinaliwanag ni Myrddin, “Para masiguro ang kalidad ng mga elixir, may ilang mga makapangyarihan na alchemist ang inaayos muna ang kundisyon nila bago simulan ang proseso. Ang iba ay sasailalim pa sa closed-door meditation para masiguro na nasa rurok sila ng abilidad nila bago lumikha ng elixir.”

Noong narinig ito ni Daley, nagtanong siya, “Maaari kayang makapangyarihan siyang alchemist?”

Umiling-iling si Myrddin at sinabi, “Hindi ko alam.”

…

Ipinikit ni James ang mga mata niya at nirelax ang isip. Lumipas unti-unti ang oras. Kahit na ang iba ay malapit na matapos sa unang elixir nila, hindi pa siya nagsisimula.

Samantala, sa hindi kalayuan, natapos na ng babae ang unang elixir niya. Maingat niya itong itinago at pumili ng mga herbs. Handa na ang babae para lumikha pa ng mas mataas na gradong elixir.

Sa oras na iyon, relax na relax si James. Tumigil siya sa pag-obserba sa ibang mga alchemist at inilabas niya ang Martial Alchemy Furnace.

Swoosh!

Isang liwanag ang nag