Matapos maghintay sa labas ng Mount Bane ng matagal, bumalik din si Qusai sa grupo ni James.

Agad na lumapit si James at tinanong si Qusai, “Kumusta? May nakuha ka ba na impormasyon mula kay Yorick?”

Tumango si Qusai at sinabi, “Oo. Sinabi niya sa akin na hindi ganoon kataas ang cultivation base niya. Ang sabi ni Yorick nasa Sage Rank’s Tenth Stage siya.”

Noong narinig ito ni James, nakahinga siya ng maluwag.

Hindi ganoon kalaki ang agwat ng lakas nila ni Yorick. Sampung stage lang ang agwat nila. Maaaring gamitin ni James ang mga kayamanan niya para punan ito.

“Ngunit…!”

Nagpatuloy si Qusai sa sinasabi niya, “Kahit na nasa Sage Rank’s Tenth Stage lang siya, hindi ka maikukumpara sa kanya. Base sa pagkakaintindi ko, may Secret Art ang mga Arthurans kung saan maaari silang magtransform. Ang tawag dito ay Arthuran Combat Form at mayroon itong siyam na estado. Palakas sila ng palakas sa tuwing umaangat sila ng estado.”

“Hindi sinabi sa akin ni Yorick kung saang estado na siya umabot, kaya