Naniniwala si James na posible ito. Iyon ay dahil sinabi sa kanya ni Lucifer na dahil lang sa pagkilala ng ama niya kaya maayos na sumapi ang kaluluwa niya sa pisikal niyang katawan. Kaya imposibleng gusto siyang patayin ni Lucifer. Dahil dito, ang pangunahing salarin ay ang Protector at si Marquis.

Gayunpaman, wala na itong kinalaman kay James. Ngayong masasakop na ng Demon Race ang Ancient Realm, hindi na siya magtatagal dito. Ang totoo, mas mapanganib pang manatili rito kaysa bumalik sa Earth.

Nagpunta si James sa bundok sa labas ng lungsod.

Nagtitipon roon ang libo-libong cultivators. Noon ay nasa isandaang libo sila, ngunit maraming namatay sa Mount Walvern at ang iba ay nasangkot sa laban sa Divinity Sect. Kung kaya't nasa limampung libo na lang ang natitira.

Nang nakita nilang lumapit si James sa kanila, tumayo sila.

Dumating si James sa tuktok ng bundok at tumingin sa kanila, sabay kwinento ang sunod-sunod na pangyayari.

"Ito ang nangyayari sa labas. Kapag ligt