Nagdesisyon ang dalawa na bumalik sa simula.

Subalit, nabigo silang makabalik sa simula ng labyrinth kahit na dumaan sila sa ilang mga silid.

“Nakakapagtaka. Ang alam ko hindi tayo dumaan sa ganito karaming silid noong una tayong pumasok sa lugar na ‘to. Sinusundan ko ang direksyon kung saan tayo dumaan kanina, kaya paano nangyari ‘to?”

Seryosong nagsalita si Tapio, “Mukhang pinaglalaruan ng labyrinth na ‘to ang mga isip natin. Mukha lang tayong dumadaan sa parehong daan, pero yung totoo papasok tayo sa loob ng labyrinth.”

“Kung ganun, nasaang silid tayo ngayon?”

Nilabas ni James ang floor plan at sinubukan niyang tukuyin ang lokasyon nila.

Nagkibit-balikat si Tapio at sinabi niya na, “Anong malay ko?”

“Anong gagawin natin?”

Nag-isip ng maigi si Tapio.

“Alam ko na!”

Biglang sumigaw si Tapio.

“Hmm?”

Nagtatakang tumingin sa kanya si James.

Lumapit si Tapio kay James.

Pagkatapos, bumulong siya, “James…”

Pinakinggang maigi ni James ang mga sinasabi niya.

Biglang tinulak ni