Medyo patag ang tuktok ng bundok.

Nababalot ng puting niyebe ang buong tanawin. Nagmistulang umaga pa rin dahil dito.

Dinala ng matandang lalaki si James sa tuktok ng bundok, kinumpas niya ang kanyang kamay, at bumugso ang malakas na pwersa mula sa kanyang palad.

Bumugso ang malakas na pwersa, at unti-unting nalusaw ang bloke ng yelo sa harap niya at lumitaw ang isang mesang gawa sa bato kasama ang ilang mga upuan.

Lumapit ang matandang lalaki, umupo, at pinalapit niya si James. Tinuro niya ang upuan sa tabi niya at sinabing, "Iho, hindi mo na kailangang maging pormal. Maupo ka."

Lumapit si James, umupo, at tumingin siya sa matandang lalaki ng puno ng pagtataka. Hindi niya malaman kung sino ba ang misteryosong matanda na 'to.

Alam niya na walang kaduda-duda na miyembro ng Mount Thunder Sect ang matandang lalaki na ito, ngunit mahirap hulaan kung sino ba talaga siya.

"Sir… sino ka ba talaga?"

"Haha…" Tumawa ang matandang lalaki at kumislap sa tuwa ang kanyang mga mata.