Nagtanong si James, "Ayos ka lang ba? Tignan ko ba ang pulso mo?"

Kumaway si Maxine at nagsabing, "Hindi na kailangan, ayos lang ako. Kailangan ko lang ng ilang araw para magpahinga." Tumingin siya kay James at nagsalita nang may marahang tono, "James, balak kong bumalik sa Capital."

"Sa Capital?" kumunot ang noo ni James. "Sinukuan ka na ni Tobias. Maswerte ka at nakaligtas ka. Kung hindi ko natanggap ang pamana ng Grand Patriarch ng mga Blithe, namatay ka na sa Mount Littleroot. At ikaw…"

Lumingon siya kay Thea at pinagalitan siya, "Bakit nagpadalos-dalos ka? Ang patriarch ng mga Blithe as ng pinag-uusapan natin! Isa siyang sixth-rank martial artist. Madali ka niyang mapapatay."

"N-Nag-alala ako sa'yo. Kasalanan mo rin to dahil hindi mo sinabing nakatakas ka. Sobra akong nag-alala, alam mo ba yun?!"

"Gusto kong makita kung ililigtas ako ni Tobias. Gusto ko ring makita kung anong binabalak ng mga Blithe."

"Kayong dalawa, tumigil kayo." Pinutol ni Maxine ang usapan ni