Nilagpasan lang ni Tammy si Chad at dumiretso siya sa office ni Elliot.

“Uy mukhang may balak nanaman makipag away yung asawa mo ah!” Tukso ni Chad.

Napabuntong hininga nalang si Jun. “Sinabihan ko nga siya na wag na kaming pumunta dito pero hindi ko talaga siya maawat. Pinagpipilitan niya na hindi daw si Avery yung nasa video pero kahit ilang beses kong panuurin, si Avery talaga ang nakikita ko eh!”

“Siyempre best friend ni Tammy si Avery kaya malamang kakampihan niya yung kaibigan niya. Ganun din naman si Mike. Sinabi niya sa akin na si Nora daw yung babae sa video kasi ginagaya daw talaga ni Nora si Avery…. Yung boses at yung tiyan daw… CG effect lang…Mukha talaga siyang seryoso kaya nakukumbinsi rin ako minsan eh.

“Ano ‘to? Movie?!” Naiinis na sigaw ni Jun.

“Posible naman din yung sinasabi niya pero medyo mahirap pa ring paniwalaan. Hindi lang siguro matanggap nung dalawa na ganung klaseng babae si Avery.”

“Tama ka jan. Si Tammy nga nagwala pa noong nakita niya yung video