Malaki ang tiwala sa mga ngiti ng Wiz Immortal, marahan nitong pinakilala si Prince Auten. “Huwag kayong mag-alala, Marangal na Prinsipe. Itinadhana kayo bilang maging isang Emperor—yuyuko sa’yo si Shakun at susundan niya ang bawat pag-uutos mo kapag nakita ka na niya.

“Isa pa, nanood akong maigi at alam kong tama ako. Karamihan sa galit ni Shakun ay naipon sa tuktok ng kaniyang ulo. Ang kailangan mo lang gawin ay sambitin ang Emperor Sky Spell at ipasok ito sa tuktok ng ulo ng halimaw para mailabas ang galit, iyon lamang at tapos na!”

Namangha sa pagkagulat ang mga opisyal.

“Napakagaling ng Wiz Immortal! Nagawa niyang hanapin ang kahinaan ni Shakun nang ganoon kabilis!”

“Talagang karapat-dapat siyang maging susunod na Royal Master.”

“Nakakamangha, Marangal na Imortal!”

Umikot sa hangin ang mga papuri habang hinimas naman ng Wiz Immortal ang kaniyang balbas, natuwa ito.

Nagbuntong-hininga si Prince Auten at ibinaba ang kaniyang depensa. Kumalat ang ngiti sa kaniyang mukha.

Ikin