Dahil dun, walang pagdadalawang isip na sumugod si Master Magaera sa Blazing Sun Gate, dala ang libo-libong mga sundalo mula sa Godly Region. Sakto, nakasalubong niya sina Darryl at Morticia sa labas ng sikretong daan.

Gulat na gulat sina Darryl at Morticia nang makita si Master Magaera.

Sa loob-loob ni Darryl ay natatawa siya.

‘Kamalas naman! Walang kahirap-hirap kaming nakalabas sa Blazing Sun Gate tapos sa lahat naman ng makakasalubong namin ay si Master Magaera pa talaga!’

Nakita rin sila ni Master Magaera, pero dahil nakamask si Darryl at naka belo si Morticia, hindi sila nakilala nito.

“Sandali!”

“Sino kayo? Bakit palabas kayo ng Blazing Sun Gate ng hating gabi?”

Hindi sana sila pagdududahan ni Master Magaera kung nakasuot si Darryl ng pang ordinaryong tao, pero dahil suot niya ang armor ng general, na responsable sana sa pagbabantay ng Blazing Sun Gate, naagaw nila ang atensyon nito.

Biglang kinabahan si Darryl.

Hindi niya naman inasahan na ganun ang mangyayari!