Siguro dahil na rin sa pressure na naramdaman niya na nakatingin sakanya ang lahat, dali-daling nagpalusot si Darryl. Ngumiti siya at sinabi, “Honorable Fiend Martyr, sa tingin ko mas maganda na mag ingat tayo. Alam ko na mas makapangyarihan pa rin ang fiend race kumpara sa demon race, pero aminin man natin o hindi, mas marami sila sa atin! Mahigit sampung libo silang lahat kaya kung aatake tayo sa teritoryo nila ng hindi pinagpaplanuhan, sigurado ako na dehado tayo!”

Tumingin si Darryl kay Oliver, “Isa pa, anak siya ng Black Tortoise King at hindi biro ang posisyon niya sa demon race. Malay ba natin kung talaga bang kakampi natin siya? Paano kung plano niya pala talagang dalhin tayo sa teritoryo ng demon race para mapatay tayong lahat doon? Hindi ba parang tayo na rin mismo ang pumatay sa mga sarili natin?”

Umiling si Darryl para ipamukha kay Oliver na hindi talaga siya nagtitiwala rito.

Siguro kung sa ibang mga oras ito nangyari, wala namang balak si Darryl na gamiting dahilan s