”Pero kanino natin dapat ibigay ang posisyon?”

“Pagkatapos kong pag-isipan ng maigi ang tungkol dito, napagdesisyunan ko na magdaos ng isang Alchemy Tournament. Ang sinumang magwawagi sa paligsahang ito ay ang magiging kinatawan ng Stardust Realm sa screening process upang maging disipulo ng Medicine Pavilion.”

Nang marinig niya ito, naunawaan ni James na ito ang Lord ng Stardust Realm. Sinubukan niyang pakiramdaman ang kanyang kapangyarihan. Subalit, masyadong malakas ang aura na nagmumula sa Lord, at wala siyang maramdaman na kahit ano.

“Gaya ng inaasahan sa Lord ng isang realm… Napakalakas niya. Marahil ay nasa Divine Rank na siya o higit pa.”

May ideya si James kung gaano kalakas ang Lord. Gayunpaman, hindi niya maisip kung nasa anong stage na ba siya ng Divine Rank.

Habang nakatayo sa himpapawid, nagsalita ng malakas ang Lord.

"Upang masiguro na magiging patas ang paligsahang ito, inimbitahan ko si Myrddin Silas ang Divine God na maging hurado ng paligsahang ito."

Nang mari