Hindi naging malakas ang kaniyang boses na nahaluan ng hindi mapapantayang awtoridad.

Naging kalmado lang si Martin pero sinubukan niya pa rin ang lahat ng kaniyang makakaya para maitago ang kaniyang pagkasabik.

Haha!

Nagawang pabagsakin ni Lumi na isa sa magkakapatid na Hexa Swordmaiden ang karamihan sa mga elite kanina kaya kakaunti na lang ang mga taong may kakayahang lumaban ngayon. Dito na nakasiguro si Martin na mapapasakanya ang posisyon ng Alliance Master.

Whew…

Tumingin naman sa isa’t isa ang karamihan sa mga elite pero walang kahit na sino sa kanila ang nagawang umabante para hamunin siya. Natalo na ni Lumi ang karamihan sa mga kinatawan ng iba’t ibang sekta kanina kaya hindi na ganoon karami ang mga taong may kakayahang maghamon sa kaniya.

Hoho…

At ngayong walang kahit na sino ang umabante, agad na umangat ang confidence ni Martin sa kaniyang sarili. Bahagya siyang ngumiti habang dahan dahan niyang sinasabi na, “Kung wala na kayong lakas ng loob para lumaban, bakit hi